თეიმურაზ პულუზაშვილი

თბილისი

თეიმურაზ პულუზაშვილი — ქართველი ბალეტის ფოტოგრაფი, 1987 წელს დაიბადა. ფოტოგრაფიისადმი სიყვარული ბავშვობიდანვე გაუჩნდა, როცა უბრალო Kodak-ის ფოტოაპარატით იღებდა მის გარშემო სამყაროს.

თეიმურაზი პროფესიით დიზაინ-ინჟინერია, მოგვიანებით კი ფოტოგრაფია მეორე პროფესიად აქცია. წლების განმავლობაში სხვადასხვა სტილსა და ჟანრს ეძიებდა, სანამ არ იპოვა ის, რაც მის შინაგან სამყაროს ყველაზე მეტად შეეფერა — ბალეტის ფოტოგრაფია. 

2019 წელს გაიმართა მისი პირველი სოლო გამოფენა — „ცეკვის ხელოვნება“.

დღეს ის თანამშრომლობს როგორც ქართველ, ისე მსოფლიოს წამყვან ბალეტის არტისტებთან. თეიმურაზისთვის ბალეტი ფოტოგრაფიის ერთ-ერთი ყველაზე მომხიბვლელი მიმართულებაა — ჟანრი, სადაც მოძრაობა, ემოცია და დრო ერთ წამის ნაწილში იყრის თავს. ამ მომენტის დაჭერა რთული, მაგრამ უსასრულოდ შთამაგონებელია.